ਮਹੀਨਾਵਾਰੀ ਮੀਟਿੰਗ ਵਿੱਚ ‘ਅਦੀਬਾਂ’ ਨੇ ਬਿਖੇਰੇ ਸ਼ਾਇਰੀ ਦੇ ਰੰਗ
ਜੈਤੋ, 22 ਜਨਵਰੀ (ਪੱਤਰ ਪ੍ਰੇਰਕ/ਵਰਲਡ ਪੰਜਾਬੀ ਟਾਈਮਜ਼)
ਦੀਪਕ ਜੈਤੋਈ ਨੇ ਸਥਾਨਕ ਬਠਿੰਡਾ ਰੋਡ ਸਥਿੱਤ ਕਾਲੋਨੀ ਵਿਖੇ ਉਸਤਾਦ ਸ਼ਾਇਰ ਦੀਪਕ ਜੈਤੋਈ ਦੇ ਘਰ ਨੂੰ ਜਾਣ ਵਾਲੇ ਮਾਰਗ ਦਾ ਨਾਂਅ ਦੀਪਕ ਜੈਤੋਈ ਮਾਰਗ ਰੱਖਣ ਦੀ ਮੰਗ ਕੀਤੀ ਹੈ। ਇਹ ਮੰਗ ਕਰਜਾ ਇਕ ਮਤਾ ਮੰਚ ਦੀ ਇੱਥੇ ਪੈਸ਼ਨਰਜ਼ ਭਵਨ ਵਿਖੇ ਹੋਈ ਮਹੀਨਾਵਾਰੀ ਇਕੱਤਰਤਾ ਵਿੱਚ ਪਾਸ ਕੀਤਾ ਗਿਆ। ਜਿਸਦੀ ਪ੍ਰਧਾਨਗੀ ਮੰਚ ਦੇ ਪ੍ਰਧਾਨ ਦਰਸ਼ਨ ਸਿੰਘ ਬਰਾੜ, ਸੁੰਦਰ ਪਾਲ ਪ੍ਰੇਮੀ ਅਤੇ ਸਾਧੂ ਰਾਮ ਸ਼ਰਮਾ ਨੇ ਕੀਤੀ। ਮੰਚ ਦੇ ਸਕੱਤਰ ਹਰਮੇਲ ਪਰੀਤ ਨੇ ਦੱਸਿਆ ਕਿ ਮੀਟਿੰਗ ਦੌਰਾਨ ਦੀਪਕ ਜੈਤੋਈ ਦਾ ਜਨਮਦਿਨ ‘ਦੀਪਕ ਜੈਤੋਈ ਕਾਵਿ ਉਤਸਵ’ ਵਜੋਂ ਮਨਾਉਣ ਬਾਰੇ ਵੀ ਚਰਚਾ ਕੀਤੀ। ਮੰਚ ਦੇ ਮੈਂਬਰਾਂ ਨੇ ਸਾਬਕਾ ਪ੍ਰਧਾਨ ਮੰਤਰੀ ਡਾ. ਮਨਮੋਹਨ ਸਿੰਘ ਨੂੰ ਸ਼ਰਧਾਂਜਲੀ ਭੇਟ ਕੀਤੀ। ਰਚਨਾਵਾਂ ਦੇ ਦੌਰ ਵਿਚ ਸਰਵ ਸ਼੍ਰੀ ਦੌਲਤ ਸਿੰਘ ਅਨਪੜ੍ਹ, ਹਰਮੇਲ ਪ੍ਰੀਤ, ਗੁਰਵਿੰਦਰ ਦਬੜੀਖਾਨਾ, ਹਰਭਗਵਾਨ ਕਰੀਰਵਾਲੀ, ਨੇਕ ਰੁਪਾਣਾ, ਅਰਸ਼ ਦਬੜੀਖਾਨਾ, ਭੁਪਿੰਦਰ ਸਰਵੇਅਰ, ਮਲਕੀਤ ਕਿੱਟੀ, ਜਰਨੈਲ ਸਿੰਘ ਜ਼ਖਮੀਂ, ਤਰਸੇਮ ਚੈਨਾ, ਤਰੰਨੁਮਪ੍ਰੀਤ ਕੌਰ, ਬਲਦੇਵ ਕ੍ਰਿਸ਼ਨ, ਸੰਜੀਵ ਕੁਮਾਰ ਗੋਇਲ, ਸਾਧੂ ਰਾਮ ਸ਼ਰਮਾ, ਸੁੰਦਦਪਾਲ ਪ੍ਰੇਮੀ, ਸੁਰਿੰਦਰਪਾਲ ਝੱਖੜਵਾਲਾ, ਮਲਕੀਤ ਕਿੱਟੀ, ਪੱਤਰਕਾਰ ਮਨਜੀਤ ਸਿੰਘ ਢੱਲਾ, ਛਿੰਦਰ ਸਿੰਘ ਆਦਿ ਨੇ ਵੱਖ-ਵੱਖ ਵਿਸ਼ਿਆਂ ’ਤੇ ਕਾਵਿ ਵੰਨਗੀਆਂ ਦੀ ਪੇਸ਼ਕਾਰੀ ਕੀਤੀ। ਮੰਚ ਸੰਚਾਲਨ ਸੁੰਦਰ ਸਿੰਘ ਬਾਜਾਖਾਨਾ ਨੇ ਕੀਤਾ।
