💐 ਕਿਰਤੀ ਨੇ ਰਾਜ ਕਰਨਾ 💐

*ਸਦਾ ਬਾਬਰਾਂ ਤੇ ਜਾਬਰਾਂ ਦੇ ਰਾਜ ਨਹੀਂ ਰਹਿਣੇ,
ਬੇਈਮਾਨ ਹਾਕਮਾਂ ਦੇ ਸਿਰ ਤਾਜ ਨਹੀਂ ਰਹਿਣੇ,
ਸਦਾ ਜਬਰ-ਜੁਲਮ ਨਾਲ ਪੈਂਦਾ ਲੜਨਾ,
ਕੁੱਲ ਦੁਨੀਆਂ ਤੇ ਕਿਰਤੀ ਨੇ ਰਾਜ ਕਰਨਾ,
ਕੁੱਲ ਦੁਨੀਆ ਤੇ ਕਿਰਤੀ ਨੇ………

*ਪਾਉਣ ਲਈ ਨੱਥ ਭੁੱਤਰੇ ਹੋਏ ਸਾਨਾਂ ਨੂੰ,
ਹੋਣਾ ਪੌਣਾ ਕੱਠੇ ਕਿਰਤੀ-ਕਿਸਾਨਾਂ ਨੂੰ-੨
ਇਕ ਜੁੱਟ ਹੋਏ ਬਿਨਾ ਨਹੀਓਂ ਸਰਨਾ,
ਕੁੱਲ ਦੁਨੀਆਂ ਤੇ ਕਿਰਤੀ ਨੇ ਰਾਜ ਕਰਨਾ,
ਕੁੱਲ ਦੁਨਿਆਂ…….

*ਆਜੋ ਆਪਣੇ ਹੱਕਾਂ ਲਈ ਸੰਗਰਾਮ ਕਰੀਏ,
ਲੁੱਟ ਦੇ ਖਿਲਾਫ ਜੰਗ ਦਾ ਐਲਾਨ ਕਰੀਏ-੨
ਪੈਣਾ ਧੌਣ ਤੇ ਲੁਟੇਰਿਆਂ ਦੇ ਗੋਡਾ ਧਰਨਾ,
ਕੁੱਲ ਦੁਨੀਆਂ ਤੇ ਕਿਰਤੀ ਨੇ ਰਾਜ ਕਰਨਾ,
ਕੁੱਲ ਦੁਨੀਆਂ ਤੇ…….

*ਆਜੋ ਸੰਗਲ ਗੁਲਾਮੀ ਵਾਲੇ ਤੋੜ ਸੁੱਟੀਏ,
ਨਿੰਬੂ ਵਾਂਗੂ ਵੈਰੀ ਨੂੰ, ਨਿਚੋੜ ਸੁੱਟੀਏ -੨
ਖੂਨ ਪੀਣੀਆਂ ਜੋਕਾਂ ਤੋਂ ਕਦੋਂ ਤੱਕ ਡਰਨਾ,
ਕੁੱਲ ਦੁਨੀਆਂ ਤੇ ਕਿਰਤੀ ਨੇ ਰਾਜ ਕਰਨਾ,
ਕੁੱਲ ਦੁਨੀਆਂ ਤੇ…….

ਇਥੇ ਲੁੱਟਦੇ ਨਿਜ਼ਾਮ ਨਾ ਸਦਾ ਰਹਿਣਗੇ,
ਦੁੱਲੇ-ਭਗਤ-ਸਰਾਭੇ ਮਹਿਲਾਂ ਨਾਲ ਖਹਿਣਗੇ-੨
ਜਿਹਨਾਂ ਤਾਨਾਸ਼ਾਹੀ ਫ਼ਰਮਾਨ ਨਾ ਕਦੇ ਵੀ ਜਰਨਾ,
ਕੁੱਲ ਦੁਨੀਆਂ ਤੇ ਕਿਰਤੀ ਨੇ ਰਾਜ ਕਰਨਾ,
ਕੁੱਲ ਦੁਨੀਆਂ ਤੇ……

ਉਠੋ ਧਰਤੀ ਦੇ ਜਾਇਓ,ਧਰਤੀ ਪੁਕਾਰਦੀ,
ਹੁੰਦੀ ਜੋਧਿਆਂ ਦੀ ਕੌਮ,ਨਾ ਕਦੇ ਵੀ ਹਾਰਦੀ-੨
ਹੁੰਦਾ ਇੱਕ ਵਾਰੀ ਜੰਮਣਾ ਤੇ ਇੱਕ ਵਾਰੀ ਮਰਨਾ,
ਕੁੱਲ ਦੁਨੀਆਂ ਤੇ ਕਿਰਤੀ ਨੇ ਰਾਜ ਕਰਨਾ,
ਕੁੱਲ ਦੁਨੀਆਂ ਤੇ ਕਿਰਤੀ ਨੇ ਰਾਜ ਕਰਨਾ……..

💐ਰਚਨਾ ਪਰਮਜੀਤ ਲਾਲੀ 💐
💥98962-44038💥