ਦਲ ਬਦਲਣ ਦੀ ਰੁੱਤ
ਦਲ ਬਦਲ ਲਉ ਭਾਈ।
ਉਸ ਦਲ ‘ਚ ਪਹੁੰਚ ਜਾਉ
ਜਿਸ ‘ਚ ਹੋਵੇ ਵੱਧ ਕਮਾਈ।
ਨਵੇਂ ਦਲ ‘ਚ ਜਾ ਕੇ
ਗਲ਼ ਹਾਰ ਪੁਆ ਲਉ।
ਗੱਲਾਂ ਦਾ ਕੜਾਹ ਬਣਾ ਕੇ
ਉਸ ਦਲ ਤੇ ਛਾ ਜਾਉ।
ਭਾਵੇਂ ਨਵੇਂ ਦਲ ‘ਚ ਜਾ ਕੇ
ਉੱਥੇ ਪੈਰ ਟਿਕਾਣੇ ਔਖੇ।
ਜਿਹੜੇ ਕੰਮ ਲੱਗਣ ਔਖੇ
ਉਹ ਬਾਅਦ ‘ਚ ਹੋ ਜਾਂਦੇ ਸੌਖੇ।
ਪ੍ਰਧਾਨ ਜੀ ਦੇ ਗੋਡੀਂ ਹੱਥ
ਜ਼ਰਾ ਚੱਜ ਨਾਲ ਲਾਇਊ।
ਮੰਨ ਲਉ ਗੱਲ ਮੇਰੀ ਚੁੱਪ ਕਰਕੇ
ਫਿਰ ਪਿੱਛੋਂ ਨਾ ਪਛਤਾਇਉ।
ਜਿਹੜੇ ਸਮੇਂ ਸਿਰ ਫੁਰਤੀ ਨਾਲ
ਫੈਸਲਾ ਨਹੀਂ ਲੈਂਦੇ।
ਉਨ੍ਹਾਂ ਨੂੰ ਫਿਰ ਰੋਣਾ ਪੈਂਦਾ
ਸਿਆਣੇ ਇਹ ਕਹਿੰਦੇ।
ਮਹਿੰਦਰ ਸਿੰਘ ਮਾਨ
ਸਾਮ੍ਹਣੇ ਅੰਗਦ ਸਿੰਘ ਐੱਮ ਐੱਲ ਏ ਹਾਊਸ
ਕੈਨਾਲ ਰੋਡ
ਨਵਾਂ ਸ਼ਹਿਰ-144514
ਫੋਨ 9915803554
