ਕੇਂਦਰ ਤੇ ਸੂਬਾ ਸਰਕਾਰ ਰਲਕੇ ਨਸ਼ੇ ਨਾਲ ਪੰਜਾਬ ਦੇ ਨੌਜਵਾਨਾਂ ਦਾ ਕਤਲ ਕਰ ਰਹੀਆਂ : ਸੁਖਦੇਵ ਸਿੰਘ ਕਾਦੀਆਂ

‘ਅਕਾਲੀ ਦਲ ਵਾਰਸ ਪੰਜਾਬ’ ਵੱਲੋਂ ਕੋਟਕਪੂਰਾ ਹਲਕੇ ਦੇ ਯੂਥ ਵਿੰਗ ਦੀ ਸਥਾਪਨਾ

ਕੋਟਕਪੂਰਾ, 12 ਅਕਤੂਬਰ (ਟਿੰਕੂ ਕੁਮਾਰ/ਵਰਲਡ ਪੰਜਾਬੀ ਟਾਈਮ)

ਅੱਜ ਇੱਥੇ ‘ਅਕਾਲੀ ਦਲ-ਵਾਰਿਸ ਪੰਜਾਬ ਦੇ’ ਵੱਲੋਂ ਹਲਕਾ ਕੋਟਕਪੂਰਾ ਦੇ ਨੌਜਵਾਨਾਂ ਦੀ ਮੀਟਿੰਗ ਯੂਥ ਵਿੰਗ ਦੇ ਕੌਮੀ ਪ੍ਰਧਾਨ ਸੁਖਦੇਵ ਸਿੰਘ ਕਾਦੀਆਂ ਦੀ ਪ੍ਰਧਾਨਗੀ ਹੇਠ ਹੋਈ, ਜਿਸ ਵਿੱਚ ਵਿਸ਼ੇਸ਼ ਤੌਰ ’ਤੇ ਮੋਗਾ ਜਿਲ੍ਹੇ ਦੇ ਯੂਥ ਵਿੰਗ ਦੇ ਪ੍ਰਧਾਨ ਸਤਨਾਮ ਸਿੰਘ ਲੋਪੋ ਵੀ ਪਹੁੰਚੇ। ਮੀਟਿੰਗ ਦੌਰਾਨ ਕੋਟਕਪੂਰਾ ਸ਼ਹਿਰ ਤੋਂ ਇਲਾਵਾ ਹਲਕੇ ਦੇ ਵੱਖ-ਵੱਖ ਪਿੰਡਾਂ ਤੋਂ ਨੌਜਵਾਨ ਵੱਡੀ ਗਿਣਤੀ ਵਿੱਚ ਪਹੁੰਚੇ ਹੋਏ ਸਨ। ਇਸ ਮੌਕੇ ਸਿਮਰਨਜੀਤ ਸਿੰਘ ਫਿੱਡੇ ਕਲਾਂ ਨੂੰ ਸਰਬਸੰਮਤੀ ਨਾਲ ਹਲਕਾ ਕੋਟਕਪੂਰਾ ਦਾ ਯੂਥ ਵਿੰਗ ਦਾ ਪ੍ਰਧਾਨ ਥਾਪਿਆ ਗਿਆ। ਇਸ ਤੋਂ ਇਲਾਵਾ ਯੂਥ ਕਮੇਟੀ ਵਿੱਚ ਮਨਿੰਦਰ ਸਿੰਘ, ਹਰਪ੍ਰੀਤ ਸਿੰਘ ਖਾਰਾ, ਹਰਦੇਵ ਸਿੰਘ, ਅਮਨਦੀਪ ਸਿੰਘ ਨੰਗਲ, ਅਰਸ਼ਦੀਪ ਸਿੰਘ ਪੱਕਾ, ਜਗਜੀਤ ਸਿੰਘ ਨੰਗਲ, ਸ਼ਮਸ਼ੇਰ ਸਿੰਘ ਮੋਰਾਂਵਾਲੀ, ਯਾਦਵਿੰਦਰ ਸਿੰਘ ਦੇਵੀ ਵਾਲਾ, ਵਰਿੰਦਰ ਸਿੰਘ ਸਿਰਸੜੀ, ਬਲਦੇਵ ਸਿੰਘ ਕੋਟਕਪੂਰਾ, ਹਰਪਾਲ ਸਿੰਘ ਢੀਮਾਵਾਲੀ, ਕਰਨਵੀਰ ਸਿੰਘ ਦਾਨਾ ਰੋਮਾਨਾ, ਗੁਰਦਿਤ ਸਿੰਘ ਕੋਟਕਪੂਰਾ, ਪ੍ਰਭਜੋਤ ਸਿੰਘ ਦਾਨਾ ਰੋਮਾਨਾ, ਜਸਕਰਨਜੀਤ ਸਿੰਘ ਚੱਕ ਕਲਿਆਣ, ਹਰਨਵ ਸਿੰਘ ਵਾੜਾ ਦਰਾਕਾ, ਜਸਪ੍ਰੀਤ ਸਿੰਘ ਕੋਟਕਪੂਰਾ, ਤਰਸੇਮ ਸਿੰਘ ਕੋਠੇ ਵੜਿੰਗ, ਸੁਖਬੀਰ ਸਿੰਘ ਰੱਤੀ ਰੋੜੀ, ਖੁਸ਼ਵੰਤ ਸਿੰਘ ਰੱਤੀਰੋੜੀ, ਗੁਰਸੇਵਕ ਸਿੰਘ ਠਾੜਾ, ਗੁਰਪ੍ਰੀਤ ਸਿੰਘ ਕੋਟਕਪੂਰਾ, ਹਰਦੀਪ ਸਿੰਘ ਕੋਟਕਪੂਰਾ, ਹਰਮਾਨ ਸਿੰਘ ਬਰਾੜ ਚੱਕ ਕਲਿਆਣ, ਪਰਮਜੀਤ ਸਿੰਘ ਦਾਨਾ ਰੋਮਾਨਾ, ਸਿਮਰਜੀਤ ਸਿੰਘ ਚੱਕ ਕਲਿਆਣ, ਗੁਰਮੁਖ ਸਿੰਘ ਮੋਰਾਂਵਾਲੀ, ਮੰਨਤ ਸਿੰਘ ਕੋਟਕਪੂਰਾ, ਸਿਕੰਦਰ ਸਿੰਘ ਕਾਕਾ ਕੁਹਾਰ ਵਾਲਾ, ਖੁਸ਼ਦੀਪ ਸਿੰਘ ਚੱਕ ਕਲਿਆਣ, ਹੈਰੀ ਸਿੰਘ ਚੱਕ ਕਲਿਆਣ, ਭਰਪੂਰ ਸਿੰਘ ਕੋਠੇ ਵੜਿੰਗ ਆਦਿ ਨੂੰ ਅਹੁਦੇਦਾਰ ਲਾਇਆ ਗਿਆ। ਇਸ ਮੌਕੇ ਬੋਲਦਿਆਂ ਕੌਮੀ ਪ੍ਰਧਾਨ ਯੂਥ ਵਿੰਗ ਸੁਖਦੇਵ ਸਿੰਘ ਕਾਦੀਆਂ ਨੇ ਕਿਹਾ ਕਿ ਪੂਰੇ ਪੰਜਾਬ ਵਿੱਚ ਨਸ਼ੇ ਦੀ ਲਹਿਰ ਨਸ਼ੇ ਦੀ ਅਲਾਮਤ ਨੂੰ ਰੋਕਣ ਲਈ ਅਕਾਲੀ ਦਲ ਵਾਰਸ ਪੰਜਾਬ ਦੇ ਦੀ ਮੁਹਿੰਮ ਚੱਲ ਰਹੀ ਹੈ। ਇਸ ਮੁਹਿੰਮ ਦੌਰਾਨ ਹਰ ਹਲਕੇ ਹਰ ਸ਼ਹਿਰ ਤੇ ਜ਼ਿਲ੍ਹੇ ਦੇ ਵਿੱਚ ਯੂਥ ਕਮੇਟੀਆਂ ਬਣਾਈਆਂ ਜਾ ਰਹੀਆਂ ਹਨ ਤਾਂ ਕਿ ਨੌਜਵਾਨਾਂ ਨੂੰ ‘ਅਕਾਲੀ ਦਲ ਵਾਰਿਸ ਪੰਜਾਬ ਦੇ’ ਨਾਲ ਜੋੜ ਕੇ ਨਸ਼ੇ ਖਿਲਾਫ ਵੱਡੀ ਮੁਹਿੰਮ ਖੜੀ ਕੀਤੀ ਜਾਵੇ ਤੇ ਨੌਜਵਾਨਾਂ ਨੂੰ ਇਸ ਚਿੱਟੇ ਦੀ ਅਲਾਮਤ ਤੋਂ ਬਚਾ ਕੇ ਰੁਜਗਾਰ ਤੇ ਸਵੈ ਰੁਜਗਾਰ ਦੇਣ ਦੇ ਨਾਲ ਨਾਲ ਉਹਨਾਂ ਨੂੰ ਗੁਰੂ ਗ੍ਰੰਥ ਸਾਹਿਬ ਦੇ ਲੜ ਲਾਇਆ ਜਾਵੇ। ਚਿੱਟੇ ਦੇ ਨਸ਼ੇ ਤੋਂ ਹਟਾ ਕੇ ਨਾਮ ਬਾਣੀ ਤੇ ਨਸ਼ੇ ’ਤੇ ਲਾਇਆ ਜਾਵੇ। ਉਹਨਾਂ ਕਿਹਾ ਕਿ ਪੰਜਾਬ ਵਿੱਚ ਚਿੱਟੇ ਰਾਹੀਂ ਕੇਂਦਰ ਤੇ ਸੂਬਾ ਸਰਕਾਰ ਰਲ ਕੇ ਨੌਜਵਾਨਾਂ ਦੀ ਨਸਲਕੁਸ਼ੀ ਕਰ ਰਹੀਆਂ ਹਨ। ਇਹ ਨਸਲਕੁਸ਼ੀ ਖਾੜਕੂ ਦੌਰ ਵਿੱਚ ਮਾਰੇ ਗਏ ਨੌਜਵਾਨਾਂ ਨਾਲੋਂ ਵੀ ਵੱਧ ਗਿਣਤੀ ਵਿੱਚ ਨੌਜਵਾਨਾਂ ਦਾ ਅਸਿੱਧੇ ਤਰੀਕੇ ਨਾਲ ਕਤਲ ਕਰਕੇ ਕੀਤੀ ਜਾ ਰਹੀ ਹੈ। ਇਸ ਨਸਲਕੁਸ਼ੀ ਨੂੰ ਰੋਕਣਾ ‘ਅਕਾਲੀ ਦਲ ਵਾਰਿਸ ਪੰਜਾਬ’ ਦਾ ਮੁੱਖ ਏਜੰਡਾ ਹੈ।